Bu gün, aprelin 7-də Kəlbəcər rayonunun bir qrup sakini 30 ildən sonra ilk dəfə Ağdaban kəndini ziyarət ediblər. Bu haqda Report məlumat yayıb.
Onlar ermənilərin Ağdabanda qətliam törətdikləri ərazilərə baş çəkiblər. Daha sonra Ağdaban qətliamı zamanı həlak olan şəxslərin məzarları ziyarət olunub.
Ağdaban faciəsi 1992-ci il aprelin 7-dən 8-nə keçən gecə törədilib. Həmin gün 130 evdən ibarət Ağdaban kəndi ermənilər tərəfindən tamamilə yandırılıb və yer üzündən silinib.
Kəndin 779 nəfər dinc sakininə işgəncələr verilib, 67 nəfər qətlə yetirilib, 8 qoca, 2 azyaşlı uşaq, 7 qadın diri-diri yandırılıb.
