Aprelin 1-dən etibarən kənd təsərrüfatının müxtəlif sahələri ilə bağlı növbəti onlayn təlimlərə start veriləcək. Bu barədə 16 mart tarixində Kənd Təsərrüfatı Nazirliyi məlumat verib.
Təşkil olunan təlimdə fermer, mütəxəssis və kənd təsərrüfatı sahəsinə maraq göstərən şəxslər “Zoom” platforması vasitəsilə onlayn şəkildə iştirak edə bilər. Onlayn təlimdə müxtəlif sahələr üzrə mütəxəssislər tərəfindən bitkiçilik, meyvəçilik, heyvandarlıq, baytarlıq və torpaqşünaslıqla bağlı təqdimatlar keçiriləcək, mövzular ətrafında fikir mübadiləsi aparılacaq.
Məlumatda qeyd olunub ki, ilk təlim 1 aprel 2022-ci il, saat 15:00 tarixində “Meyvə-tərəvəzdə effektiv suvarma və hesablanması” mövzusuna həsr olunacaq.
Təlimdə iştirak sərbəstdir.
İştirak etmək üçün qeydiyyatdan keçmək lazımdır.
