Küləkli hava şəraiti ilə bağlı Xəzər hövzəsində üzən gəmilərin hərəkətinə icazə verilmir. Bu barədə 9 may tarixində Report xəbər verib.
Məlumata əsasən, dənizdə dalğanın hündürlüyü 5 metrə çatır. Şimal, Şimal-Şərq küləyinin sürəti isə 20-25 m/san çatır. Mayın 5-də ilk reysə çıxan "Zərifə Əliyeva" gəmi-bərəsi hazırda Qazaxıstanın Kurık limanından təxminən 9 kilometr məsafədə sığınacaqda gözləməkdədir.
Proqnoza əsasən, külək mayın 10-u günün ikinci yarısında səngiyəcək və gəmilərin hərəkətinə icazə veriləcək.
