Direktor vəzifəsinə işə qəbul üzrə müsahibələr davam edir. Müsabiqə nəticəsində 211 nəfər direktor vəzifəsinə təyin edilib.
Təhsil Nazirliyindən verilən məlumata görə, müsahibə mərhələsində namizədlərin peşə üzrə nəzəri bilikləri, idarəetmə bacarıqları, dünyagörüşü və şəxsi keyfiyyətləri yoxlanılır.
Müsahibələr Təhsil Nazirliyinin rəhbər şəxslərindən ibarət komissiya üzvlərinin iştirakı ilə həftədə 2 dəfə keçirilir. Hər müsahibə gününün sonunda nazirliyin rəsmi internet səhifəsindəki müvafiq bölmədə müsahibədə iştirak etmiş namizədlərin nəticələri elan edilir və onların şəxsi səhifələrinə göndərilir.
Müsahibələrin növbəti 3 ay ərzində davam edəcəyi nəzərdə tutulur.
Eyni zamanda, yeddi məktəb direktoru işində yol verdiyi nöqsanlara görə vəzifəsindən azad olunub.
