“Azərsun Holdinq” “Saville” makaronunun qablaşdırılmasında siçanların olması ilə bağlı sosial şəbəkələrdə yayılan görüntülərə aydınlıq gətirib. Bu barədə 27 iyul tarixində “Qafqazinfo” məlumat verib.
Şirkətdən bildirilib ki, makaron məhsulları çoxmərhələli yoxlamalardan keçərək, insan əli dəymədən havasız paketlərə qablaşdırılıb.
“Bunu nəzərə alaraq, belə bir hadisənin baş verməsinin qeyri-mümkün olduğunu əminliklə söyləmək olar. Bəzi media orqanlarının bu saxta məlumatın yayılmasında rol oynayaraq insanları çaşdırmasından təəssüfümüzü bildiririk. Məsələ ilə bağlı zəruri dəlillər toplanılaraq hüquq-mühafizə orqanlarına müraciət ediləcək”, - şirkətin açıqlamasında bildirilir.
