Martın 17-dən bu günədək Meksikada azı 90 nəfər rekord istilərdən ölüb. Bu barədə İnsanoid Report-a istinadən bu gün, 8 iyun tarixində xəbər verir.
Ölkənin Səhiyyə Nazirliyinin ekstremal temperaturlara nəzarət üzrə həftəlik hesabatında bildirilib:
"Cari isti mövsümdə 90 ölüm faktı qeydə alınıb".
Yüksək temperaturun fəsadlarına günvurmalar, susuzlaşma və yanıqlar daxildir. Ən çox insan körfəz sahilindəki Verakruz (25 nəfər) və qonşu Tabasko ştatında (15 nəfər) ölüb.
Səhiyyə Nazirliyi yaxın günlərdə ölkədə həddindən artıq yüksək temperatur dalğasının davam edəcəyini proqnozlaşdırır. Baxa (Baja) Kaliforniya və Sonoran ştatlarında hərarət 45 dərəcəni keçəcək.
