Milli İnsan Resursları Forumuna qeydiyyat başlayıb. Bu barədə martın 16-da Report məlumat verib.
Tədbir aprelin 16-da Baku Marriott Hotel Boulevard-da 300 nəfərin iştirakı ilə keçiriləcək.
“AXINA QARŞI” şüarı ilə təşkil olunacaq Forum beyin köçü mövzusunu gündəmə gətirəcək. Tədbir hər paneldə 4 spikerin çıxışı olmaqla, 2 paneldən və bir praktiki məşğələdən (workshop) ibarət olacaq.
Builki Milli İnsan Resursları Forumuna həm oflayn, həm də onlayn qatılmaq olar.
Bilet əldə etmək istəyənlər www.mirf.az saytına daxil ola bilərlər.
Qeyd edək ki, sözügedən Forum 2015-ci ildən keçirilir.
