Qorxu janrında yazdığı romanlarla məşhurlaşan amerikalı yazar Stiven Kinq Los-Ancelesdə baş verən dəhşətli yanğınlara görə bu il "Oskar" mükafatlandırma mərasiminin ləğv edilməsini istəyib.
İnsanoid.com xəbər verir ki, bu barədə yazar sosial media hesabında bildirib.
"Bu il "Oskar"da səs verməyəcəyəm. Məncə, ləğv edilməlidir. Los-Anceles alovlar içində yanarkən heç bir qlamurluğa ehtiyac yoxdur", - deyə o, yazıb.
Onun bu fikirlərini dəstəkləyənlərlə yanaşı bəyənməyənlər də olub.
Qeyd edək ki, 97-ci dəfə sahiblərinə təqdim olunacaq mükafata namizədlərin adları yanvarın 23-də elan ediləcək. Mükafatlandırma mərasiminin martın 2-də keçirilməsi planlaşdırılır. Gecənin aparıcısı komediyaçı Konan O'Brayen olacaq.
