Ali və orta ixtisas təhsili müəssisələrində 2021-2022-ci tədris ilinin payız semestrinin sessiyası 3 yanvar 2022-ci il tarixindən əyani keçiriləcək. Bu haqda təhsil naziri Emin Əmrullayev dekabrın 13-də əmr imzalayıb.
İmtahanların keçirilməsi zamanı COVID-19 profilaktikasına dair göstərişlərə riayət edilməlidir.
Əmrə əsasən, ali və orta ixtisas təhsili müəssisələrinin rəhbərləri imtahan sessiyasını mövcud normativ sənədlər əsasında təşkil etməli, təhsil müəssisələrində imtahan qərargahı yaratmalı və qərargaha daxil olan hər bir şikayətin operativ şəkildə araşdırılmasını təmin etməlidirlər.
