Baş Prokurorluq tərəfindən prokurorluq orqanlarına işə qəbul olunmaq istəyən şəxslər üçün 80 vakansiya elan verilib. Müsabiqə ilə bağlı sənəd qəbulu oktyabrın 1-də saat 18:00-da başa çatdırılacaq. Bu barədə Baş Prokurorluğun Mətbuat xidmətindən məlumat verilib.
Prokurorluq orqanlarında işləmək istəyən gənc hüquqşünaslar tələb olunan sənədlərin fotosurətini Baş Prokurorluğun [email protected] elektron poçt ünvanına göndərməklə müsabiqənin ilkin mərhələsi olan test imtahanında iştirak edə bilərlər.
Sənədlərin qəbulu başa çatdıqdan sonra test imtahanının tarixi, yeri və digər məsələlər barədə məlumat kütləvi informasiya vasitələrində, Baş Prokurorluğun rəsmi veb-saytında və sosial şəbəkələrdəki səhifələrində veriləcəkdir.
