“Qaradağ” Günəş Elektrik Stansiyası (GES) inşa olunandan sonra 110 milyon kubmetr qaza qənaət olunacaq. Bu barədə 16 mart tarixində Bərpa Olunan Enerji Mənbələri Dövlət Agentliyinin direktoru Təbriz Əmmayevə istinadən APA məlumat verib.
Məlumata əsasən, 550 hektar ərazini əhatə edəcək stansiyada 50 mindən artıq günəş paneli quraşdırılacaq. Həmçinin GES-in sayəsində 200 min ton tullantının qarşısı alınacaq. Agentliyin rəsmisinin sözlərinə görə, stansiya 2023-cü ilin payızında istifadəyə veriləcək.
Qeyd edək ki, “Qaradağ” GES-in tikintisini Birləşmiş Ərəb Əmirliklərinin "Masdar" şirkəti həyata keçirəcək. Layihənin dəyəri 225 milyon dollar təşkil edir.
