Yanvarın ilk 4 günü bayram gününə düşdüyündən, qaz sayğaclarında göstəricilərin fiziki olaraq oxunuşu bu ayın 10-dək davam edəcək. Bu barədə 2 yanvar tarixində Qafqazinfo Azəriqaz İB-ə istinadən məlumat verib.
Məlumata əsasən, sayğac göstəricisinin daha tez qeydə alınmasını istəyən abonentlər qurumun Whatsapp nömrəsinə (+99477 310 41 04) dekabrın 31-dən yanvarın 1-nə keçən gecəyə olan sayğacın göstəricisinin fotosunu göndərməlidirlər.
Əvvəlcədən ödənişli sayğaclarda isə yeni il üzrə güzəştli limitin istifadəsinə dekabrın 31-i gecə saat 00:00-dan etibarən keçid olacaq.
Qeyd edək ki, Azəriqaz İB tərəfindən həm mexaniki, həm də smart sayğaclara xüsusi cihazlar yerləşdiriləcək. Bu isə onlayn formada sərfiyyatın yoxlanılmasına və onlayn ödənişin olunmasına imkan yaradacaq, həmçinin limitlərinin sıfırlanması prosesini asanlaşdıracaq.
