Dövlət Gömrük Komitəsinin rüşvət almaqda təqsirləndirilən sabiq əməkdaşlarına hökm oxunub. Bu barədə martın 16-da Report məlumat yayıb.
Hökmə əsasən, Elmar Mirzəyev 5 il müddətinə azadlıqdan məhrum edilib, Orxan Zöhrabova şərti cəza, digər şəxslərə - Ceyhun Şabanov, Emin Xəlilov, Azər Baxşıyev, Sadiq İsgəndərov, Mirağa Ağayev və Rafael Əzizova isə bəraət verilib.
APA-dan verilən məlumata görə, hökm oxuyan hakim Əli Məmmədov bildirib ki, sübutlar düzgün qiymətləndirilməyib və bəzi epizodlarda ittiham tərəfi qanunsuz hallara yol verib.
Adları sadalanan şəxslər 2021-ci ilin martında saxlanılmışdı. Onların barəsində Cinayət Məcəlləsinin “təkrar rüşvət alma” maddəsilə ittiham irəli sürülmüşdü.
