Artıq “Gallus Pay” tipli qaz kartının balansını evdən çıxmadan artırmaq mümkündür. Bu barədə İnsanoid videoçarx hazırlayıb.
Bunun üçün sizin telefonunuz NFC ödənişləri dəstəkləməli və aktiv olmalıdır. İlk olaraq AppStore və ya PlayMarket-dən “e-manat+” tətbiqini yükləyib mobil nömrə vasitəsilə qeydiyyatdan keçməlisiniz.
“Ödəniş et” bölməsində “Kommunal” ödənişləri seçib “Azeriqaz Gallus Pay (NFC)”yə daxil olmaq lazımdır. Bundan sonra sizdən “Gallus Pay” qaz kartının telefonunuzun arxasına yaxınlaşdırılması istəniləcək. Bir neçə saniyə keçdikdə smartfon sizin kartınızı tanıyır.
Açılan pəncərədə sayğacınıza aid məlumatlar və balans göstərilir. Kartın balansını artırmaq üçün 2 ödəniş növü təklif edilir: “e-manat+” tətbiqinin pul kisəsi və bank kartı. Ödəniş etdikdə əməliyyatın uğurlu olduğu barədə məlumat verilir.
[playlist type="video" tracklist="false" ids="45322"]
