Səhiyyə Nazirliyi 1 nömrəli Respublika Psixiatriya Xəstəxanasında vətəndaş döyülərək koma vəziyyətinə düşüb. Bu barədə dekabrın 13-də Oxu.Az-a vətəndaşın qardaşı məlumat verib.
Məlumata əsasən, hadisəni gizli saxlamaq məqsədilə vətəndaş gecə ilə Respublika Neyrocərrahiyyə Xəstəxanasına gətizdirilib.
Səhiyyə Nazirliyindən isə bildirilib ki, xəstəxana rəhbərliyi hadisə barədə hüquq-mühafizə orqanlarını məlumatlandırıb: “Xəstəxanaya gələn polis və prokurorluq əməkdaşları araşdırmalara başlayıblar. Təhlükəsizlik kameralarının görüntüləri götürülüb”.
Faktla bağlı araşdırma davam edir.
