Rusiyada məhkəmə Sankt-Peterburqdakı terror aktı ilə bağlı iş üzrə 26 yaşlı Darya Trepovanı 27 il müddətinə azadlıqdan məhrum edib. Bu barədə 25 yanvar tarixində İnsanoid Rusiya KİV-yə istinadən məlumat verir.
Darya Trepova cəzasını ümumi rejimli koloniyada çəkəcək.
Qeyd edək ki, Trepova 2023-cü ilin aprelin 2-də hərbi müxbir Vladlen Tatarskiyə (əsl adı Maksim Fomin) telefon zəngi ilə işə salınan və içində partlayıcı qurğu olan heykəlcik verib. Partlayış nəticəsində müxbir həlak olub, 52 nəfər yaralanıb.
Təqsirləndirilən şəxs yalnız saxta sənəddən istifadə maddəsi ilə özünü təqsirli bilib. O, heykəlin içindəki bombadan xəbərsiz olduğunu deyib.
O, terrorçuların və ekstremistlərin reyestrinə daxil edilib.
