Rusiyanın Ulyanovsk şəhərində yaşayış binasında baş vermiş yanğında azı 3 nəfər ölüb, daha 3 nəfər yanıq və zəhərlənmə əlamətləri ilə xəstəxanaya yerləşdirilib.
Bu barədə 27 iyul tarixində Report Rusiya KİV-yə istinadən məlumat verib.
“Ölənlərin sayı 3-ə yüksəlib, yanıq xəsarətləri almış və yanma məhsullarından zəhərlənmiş 3 nəfər Mərkəzi Şəhər Klinik Xəstəxanasına və İxtisaslaşdırılmış Müalicə Mərkəzinə çatdırılıb”, – eyniadlı vilayətin qubernatoru Aleksey Russkix bildirib.
