Şəmkirdə bıçaqlanma hadisəsi baş verib. Bununla bağlı İnsanoid Daxili İşlər Nazirliyinin Mətbuat Xidmətinə istinadən bu gün, 29 iyun tarixində xəbər verir.
Baş inspektor polis kapitanı Eşqin Qasımov bildirib ki, hadisə rayonun Çaparlı kəndində qeydə alınıb. 31 yaşlı kənd sakini K.Zamanov bıçaq xəsarəti ilə xəstəxanaya yerləşdirilib.
Yaralı dərhal əməliyyat edilib. Hadisənin hansı səbəbdən baş verdiyi məlum deyil.
E.Qasımovun sözlərinə görə, Şəmkir Rayon Polis Şöbəsinin əməkdaşlarının keçirdikləri tədbirlər nəticəsində hadisəni törətməkdə şübhəli bilinən 24 yaşlı Çaparlı kənd sakini Fərrux Məmmədov saxlanılıb.
Faktla bağlı araşdırma aparılır.
Tərəflər arasında uzun müddət ədavət olub. Bir neçə gün əvvəl ot biçimi zamanı K.Zamanov F.Məmmədovu söyüb.
Bu gün də tərəflər arasında mübahisə düşüb. Bu zaman F.Məmmədov söyüşə görə K.Zamanova bıçaq xəsarəti yetirib.
