Bu gündən, aprelin 14-dən siqaretlərin və alkoqollu içkilərin aksiz dərəcələri artırılır. Bu barədə 14 mart tarixində Nazirlər Kabineti tərəfindən Qərar imzalanmışdır.
Tərkibində tütün olan siqaretlərin, eləcə də tərkibində tütün əvəzləyicisi olan siqaretlərin 1 000 ədədi üçün aksiz dərəcəsi 43 manatdan 46,5 manata qaldırılıb.
Qəlyan üçün tütünlər və tütün əvəzləyiciləri, istehsal məqsədli tütünlər istisna olmaqla, digər çəkməli tütünlərin 1 kiloqramına görə aksiz dərəcəsi 30 manat müəyyənləşdirilib.
Üzüm çaxırının və ya üzüm puçallarının distillə edilməsi nəticəsində alınan spirtli tinkturalar üçün aksiz dərəcəsi 1 litrə görə 7,2 manatdan 8 manata, viski, rom və digər spirtli tinkturalar, şəkər qamışının qıcqırdılmış məhsullarının qovulması nəticəsində alınan, cin və ardıc tinkturası, araq, likörlər və digər spirtli içkilər üçün 1 litrə görə 11,2 manatdan 12 manata qaldırılıb.
