Bugündən, 23 noyabr tarixindən işsiz şəxslər üçün idarəetmə sahələri üzrə peşə hazırlığı kursları başlayıb. Bu barədə Dövlət Məşğulluq Agentliyi məlumat verib.
“Peşəkar” layihəsi çərçivəsində “Menecment–insan resursları mütəxəssisi”, “Mühasibat işi – mühasib”, “Mühasibat işi - əməliyyatçı mühasib” sahələri üzrə kurslar təşkil ediləcək.
İştirakçılara insan resursları üzrə hesabatlar, işə qəbul, təlim və inkişaf sistemi, ticarət əməliyyatlarının və malların uçotu, əmək məzuniyyəti, ƏDV uçotu mövzularında təlimlər keçiriləcək.
Kurslara qoşulanlara minimum aylıq əməkhaqqı məbləğində təqaüd ödəniləcək və kursu bitirən şəxslərin məşğulluğu təmin olunacaq.
Təlimlərdə iştirak etmək istəyən şəxslər yaşadıqları ərazi üzrə məşğulluq filiallarına, “DOST” Mərkəzlərinə yaxınlaşmaqla və ya online qeydiyyatdan keçə bilərlər.
