Son zənglə bağlı neqativ hallar aşkarlanıb. Bunu jurnalistlərə açıqlamasında Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov deyib. O bildirib ki, nəticələrlə bağlı yaxın günlərdə ictimaiyyətə məlumat veriləcək.
Bu barədə 21 iyun tarixində APA məlumat verib.
"Son zəng tədbirlərindən sonra edilən bütün müraciətlər emal olunub. Bəzi rayon və şəhər məktəblərindən müraciətlər daxil olub. Aidiyyəti şəxslərlə bağlı ölçü götürüləcək. Çünki məktəblərə öncədən tədbirin həm inzibati, həm də bədii hissəsi ilə bağlı təlimatlar verilmişdi. Təəssüf ki, bəzi hallarda bu tələblər pozulub ", - deyə o qeyd edib.
