Sosial şəbəkələrdə tanış olduqları şəxslərə qarşı quldurluq edən və zərərçəkənlərin şəxsiyyətlərini alçaldan videolar çəkərək onları hədələyən 7 nəfər şəxs saxlanılıb. Bu haqda dekabrın 6-da DİN məlumat verib.
Polis tərəfindən aparılan araşdırmalar nəticəsində müəyyən edilib ki, bu şəxslər görüşmək adı altında müxtəlif vaxtlarda 12 nəfəri Yasamal rayonunda “Qanlı göl” adlanan əraziyə çağırıb və onlara qarşı quldurluq ediblər.
Polis saxlanılanların mobil telefonlarına baxış keçirən zaman müxtəlif şəxslərə qarşı hədə-qorxu videoları aşkar edərək götürüb.
Faktla bağlı Yasamal Rayon Polis İdarəsində cinayət işi başlanılıb və dəstə üzvləri barəsində həbs qətimkan tədbiri seçilib.
Bu şəxslərin əməllərindən zərərçəkən varsa məsələ barədə Yasamal Rayon Polis İdarəsinə, "102" Xidməti-Zəng Mərkəzinə və Nazirliyin sosial şəbəkələrdəki rəsmi hesablarına məlumat verə bilər.
