TƏBİB tərəfindən doğum evində tibb işçisinin körpənin atasından pul istəməsi məsələsi araşdırılır. Bu barədə İnsanoid bu gün, 20 iyun tarixində xəbər verir.
Lökbatan Tibb Mərkəzinin nəzdində yerləşən 4 saylı Doğum Evində tibb işçisinin yeni doğulan körpənin atasından pul istəməsi ilə bağlı məsələ araşdırılır.
İyunun 19-u saat 11:05 radələrində 2005-ci il təvəllüdlü şəxs doğuş üçün adıçəkilən doğum evinə müraciət edib və Doğum şöbəsinin həkimi mama-ginekoloq Sevinc Məmmədovanın iştirakı ilə saat 13:30 radələrində pasiyentin qız övladı dünyaya gəlib.
"Görüntülərdə əks olunan hadisə ilə bağlı hazırda TƏBİB tərəfindən araşdırılma aparılır. Araşdırma yekunlaşdıqdan sonra əlavə məlumat veriləcək"
