“Telegram” mesaj mübadiləsi sistemində minitətbiqlərdə rəqəmsal xidmətlər və malların ödənişi üçün daxili valyuta yaradılıb. Bunu messencerin təsisçisi Pavel Durov özünün “telegram” kanalında bildirib.
Bu barədə 7 iyun tarixində Report məlumat verib.
“Bu gün əlamətdar gündür, biz “Telegram Stars”ı işə salırıq – bu, minitətbiqlərdə rəqəmsal xidmətlərə görə ödəniş etmək üsuludur”, – Durov açıqlayıb.
Onun sözlərinə görə, “Telegram Stars”ın vasitəsilə elektron kitablar, kurslar, oyunlarda müxtəlif əşyalar və daha çox şey əldə etmək mümkündür. Bundan əlavə, valyuta “Fragment” platforması vasitəsilə “Toncoin”ə çevrilir.
Yeni valyutadan güzəştli şərtlərlə “Telegram”da tətbiq reklamı almaq üçün də istifadə oluna bilər.
