“Titan” sualtı qayığının necə partladığını göstərən simulyasiya yayımlanıb. Bu barədə İnsanoid bu gün, 23 iyun tarixində xəbər verir.
Turistləri “Titanik”in qəzaya uğradığı yerə aparan sualtı qayıq iyunun 19-da Atlantik okeanında itib.
Məlum olub ki, itən sualtı qayıq “fəlakətli” şəkildə parça-parça olub.
Qayığın operatoru ötən gün bildirib ki, ekipajın bütün üzvləri ölüblər.
“Ocean Gate”in qurucusu və baş direktoru “Stockton Rush” Titanik batarkən birlikdə qalmağı seçən “Isidor” və “Ida Straus”un böyük nəvəsi Wendy Rush ilə evli idi.
Hamish Harding - britaniyalı iş adamı 3 Ginnes rekordunun sahibi idi. O, Hardinq aviasiya satışı və konsaltinq şirkəti olan “Action Aviation”ın sədri olub.
Şahzadə Davud Pakistanın enerji investisiya şirkəti olan Engro və investisiya və holdinq şirkətləri olan Dawood Hercules Corp.-un sədr müavini olub. O, tekstil, gübrə, qida və enerji kimi sənayelər üzrə şirkətlərdə birləşmə və satınalmalarda təcrübəyə malik olub.
Kollec tələbəsi olan 19 yaşlı Süleyman Şahzadə Davudun oğlu olub. O, bu yaxınlarda Şotlandiyanın Qlazqo şəhərindəki “Strathclyde” Universitetində biznes ixtisası üzrə birinci kursu başa vurmuşdu.
Paul-Henri Nargeolet isə Titanik üzrə aparıcı mütəxəssis hesab olunurdu.
Qeyd edək ki, Titanik gəmisinə ekspedisiyanın bir nəfər üçün qiyməti 250 min ABŞ dollarıdır.
[caption id="attachment_120048" align="alignnone" width="696"]
Foto açıq mənbədən[/caption]
