Amerika Birləşmiş Ştatlarının Nyu-Hempşir ştatında dəhşətli ailə faciəsi baş verib. Qadın ölümcül xəstə həyat yoldaşını və iki övladını qətlə yetirib.
İnsanoid.com xarici KİV-ə istinadən xəbər verir ki, 34 yaşlı Emili Lonqun, həyat yoldaşı, 48 yaşlı Rayanın və iki övladı- səkkiz yaşlı Parker və altı yaşlı Rayanın meyiti ilə bazar ertəsi gecəsi evlərində tapılıb. Onların 3 yaşlı kiçik övladı heç bir xəsarət almayıb.
O, ərinin ölümcül beyin xərçəngi ilə mübarizəsi ilə bağlı TikTok-da videolar paylaşıb, ruhi sağlamlığının pozulduğunu və dərin depressiya vəziyyətində olduğunu etiraf edib.
Meyitlərin müayinəsi zamanı Emilinin başında bir güllə izi olub. Bu, onun intihar etdiyini göstərir. Övladlarının da hər birinin baş nahiyəsində güllə yarası aşkar edilib. Amma Rayan çoxsaylı güllə yaraları alıb və ölümü qətl kimi qiymətləndirilib.
Tibbi ekspert bildirib ki, hazırda mövcud olan məlumatlara əsasən, ehtimal edilir ki, 18 avqust 2025-ci il bazar ertəsi səhər tezdən xanım Lonq evdən tapança götürərək Rayan Lonq və iki övladının, yəni Parker və Rayanın ölümünə səbəb olub, dərhal sonra isə özünü öldürüb. Ailənin sağ qalan övladı isə nəzarət altındadır.
Long Durhamdakı Oyster River Orta Məktəbində psixoloq, Emili isə Wing-Itz restoran şəbəkəsində əməliyyat direktoru vəzifəsində çalışıb.
