Ötən gecə Ukraynaya məxsus pilotsuz uçuş aparatının Kursk vilayətindəki yaşayış binasına hücumu nəticəsində 5 nəfər ölüb. Bunu vilayətin qubernatoru Aleksey Smirnov “Telegram” kanalında yazıb.
Bu barədə 29 iyun tarixində APA məlumat verib.
“Bu gecə Ukraynaya məxsus kvadrokopter Rılsk rayonunun Qorodişe kəndindəki yaşayış binasına hücum edib. Böyük kədər hissi ilə deyirəm ki, nəticədə ikisi azyaşlı olmaqla 5 nəfər ölüb. İki nəfər Rılsk Rayon Xəstəxanasına aparılıb və orada onlara tibbi yardım göstərilib. Həlak olanların ailələrinə və yaxınlarına dərin hüznlə başsağlığı verirəm” – qubernator belə yazıb.
