Dələduzluq yolu ilə vətəndaşların pulunu ələ keçirən şəxs saxlanılıb. Bu barədə mayın 11-də Daxili İşlər Nazirliyinə istinadən APA məlumat yayıb.
Vüsal Bağırov özünü təmir-tikinti firmasının rəhbəri kimi təqdim edərək 5 nəfəri onların mənzilini təmir edəcəyi adı ilə aldadıb, zərərçəkənlərdən ümumilikdə 213 min manat alıb. Buna baxmayaraq, o, vəd etdiyi kimi, mənzillərdə təmir və tikinti işləri həyata keçirməyib.
Faktlarla bağlı V.Bağırov barəsində “dələduzluq təkrar törədildikdə” və “dələduzluq xeyli miqdarda ziyan vurmaqla törədildikdə” maddələrilə cinayət işi başlanılıb.
