Xaçmazda məktəblilər arasında insident yaşanıb. Bu barədə İnsanoid Oxu.az-a istinadən bu gün, 5 iyun tarixində xəbər verir.
31 may axşam saat 22:00-da Xaçmaz rayonu Ləcət kənd tam orta məktəbin 10-cu sinif şagirdi eyni məktəbdə oxuyan həmyaşıdına aralarında yaranmış mübahisə zamanı xəsarət yetirib.
Yaralı bud nahiyəsinin və xayaların kəsilmiş-deşilmiş diaqnozu ilə xəstəxanaya daxil olub.
Hazırda həyatı üçün hər hansı bir təhlükə yoxdur.
Xaçmaz rayon İcra Hakimiyyəti Başçısının Ləcət kənd nümayəndəsi Ələkbər Quliyev bildirib ki, şagirdlər arasında mübahisəyə səbəb söyüş olub:
"Ailələr insidentli ailə deyil. Məqsəd qorxutmaq olub. Valideynləri və məktəb rəhbərliyi ilə danışdıq. Tərbiyəsiz uşaqlar da deyillər. Dava beş-altı nəfərin arasında olub. Dava edənlər eyni sinfin şagirdləri deyillər.
Mətbuatda yazıldığı kimi cinsi orqanın kəsilməsi məlumatı doğru deyil. Elə şey olmayıb. Bu barədə həkim rəyi də var.
