Xalq artisti Niyaməddin Musayevin polis tərəfindən saxlanılması barədə görüntülər yayılıb. Bu barədə İnsanoid Unikal-a istinadən bu gün, 17 iyun tarixində xəbər verir.
Xalq artisti görüntülərlə bağlı bildirib ki, yayılan məlumatlar əsassızdır:
“Mən həmişə Ağ Şəhər Bulvarına idman etmək üçün gedirəm. Orada dairəvi yol var. Həmin ərazidə avtomobili saxladım. Bildiyiniz kimi, indi yeni bir sistem yaradıblar, telefonla SMS göndərmək lazımdır ki, maşını park etdiyini bildirəsən və buna görə 1 manat ödəniş edəsən. SMS göndərmədən saxlayanda 20 manat cərimə edirlər.
Mənim yeni sistemdən başım çıxmır. Ona görə də polis əməkdaşlarına özüm yaxınlaşıb kömək istədim ki, telefonumla SMS göndərsinlər. Onlar da sağ olsunlar, mənə kömək etdilər.
Çox sayda nadan insanlar var, yazıblar ki, guya məni polis saxlayıb. Belə bir şey yoxdur. Məni nəyə görə saxlamalıdırlar? İctimaiyyət arasında özümü idarə etməyim və digər davranışlarım yerindədir", - deyə o qeyd edib.
