Xocavənd Rayon Polis Şöbəsinin əməkdaşları tərəfindən rayonun işğaldan azad edilmiş ərazilərinə keçmək istəyən iki nəfər saxlanılıb. Bu barədə noyabrın 20-də DİN məlumat verib.
Binə kəndi ərazisindəki stasionar postda “VAZ” markalı avtomobil saxlanılıb. Yoxlamalar zamanı sürücü və sərnişinin müvafiq icazələri olmadığı müəyyən edilib.
Həmçinin nəqliyyat vasitəsinə baxış zamanı yük yerindən avtomobil ehtiyat hissəsi və məişət əşyaları aşkar edilib. Faktla bağlı Xocavənd RPŞ-də araşdırmalar aparılır.
