Xocavəndə qanunsuz daxil olan və oradan avtomobillə dəmir qalıqları aparmaq istəyən şəxs saxlanılıb. Bu barədə dekabrın 28-də Daxili İşlər Nazirliyindən məlumat verilib.
Belə ki, rayonun Böyük Tağlar kəndindəki nəzarət postunda “Mercedes” markalı yük avtomobili saxlanılıb. Sürücünün rayon ərazisinə daxil olmaq üçün müvafiq icazəsinin olmadığı müəyyən edilib. Nəqliyyat vasitəsinə baxış keçirilən zaman 2 tona yaxın dəmir qalıqları aşkarlanıb.
Faktla bağlı araşdırmalar davam etdirilir.
