Yaponiyada baş vermiş zəlzələdə ölənlərin sayı artıb. Bu haqda bu gün, 3 yanvar tarixində İnsanoid TASS-yə istinadən xəbər verir.
Belə ki, təbii fəlakət səbəbindən ölənlərin sayı 62-yə çatıb, 100-dən çox insan müxtəlif dərəcəli bədən xəsarətləri alıb.
100-dən çox bina yeraltı təkanlar nəticəsində dağılıb. 33.000-dən çox ev işıqsız qalıb, bəzi rayonlarda internet və mobil rabitədə fasilələr müşahidə olunur. İşikava, Niiqata və digər ərazilərin 60.000-ə yaxın sakini təxliyə edilib.
Bazar ertəsindən bəri Yaponiyada 300-dən çox zəlzələ baş verib ki, onlardan ən güclüsü 7,6 bal gücündə olub.
Sözügedən zəlzələ Yaponiyanın həmin ərazisində 1885-ci ildən bu günə qədər baş verən ən güclü zəlzələdir.
