Paytaxtın "Yeni Yasamal" yaşayış massivində qeyri-yaşayış obyektində baş vermiş yanğın söndürülüb. Bunu Fövqəladə Hallar Nazirliyinin Yanğından Mühafizə Xidmətinin bölmə rəisi baş leytenant Tural Zahidov deyib.
Bu barədə 19 dekabr tarixində Report məlumat verib.
"FHN 112 qaynar xəttinə sözügedən ünvanda yanğın olması ilə bağlı məlumat daxil olub. Dərhal Yanğından Mühafizə bölmələri əraziyə cəlb olunub. Baş vermiş yanğın genişlənməsinə imkan verilmədən qısa müddətdə söndürülüb. Bina və mənzillər yanğından mühafizə olunub. Xəsarət alan yoxdur", - o qeyd edib.
***
09:47
Paytaxtın Yeni Yasamal yaşayış massivində, Əsəd Əhmədov küçəsində yerləşən binada yanğınla əlaqədar polis əməkdaşları xidmətə çıxarılıb. Bu barədə 19 dekabr tarixində Daxili İşlər Nazirliyi İnsanoid-ə məlumat verib.
Report-un məlumatına görə, yanğın 21 mərtəbəli binanın zirzəmisindən başlayıb və yuxarı mərtəbələrə keçib.
Qeyd olunub ki, ərazidə polis əməkdaşları təhlükəsizlik tədbirləri görürlər.
Yanğının söndürülməsi istiqamətində tədbirlər görülür.
