Zərdab rayonunda qanunsuz ov edən şəxs polisə xəsarət yetirib. Bu barədə noyabrın 24-də Daxili İşlər Nazirliyindən məlumat verilib.
Belə ki, rayonunun Məlikumudlu kəndi ərazisində qanunsuz ov edən üç nəfər aşkarlanıb. Onlar polis şöbəsinə dəvət edilərkən ov edən şəxslərdən biri tüfəngin qundağı ilə polis əməkdaşına xəsarət yetirib. Daha sonra həmin şəxslər tüfəngdən atəş açaraq qaçıblar. Görülən tədbirlərlə onlar tutulublar.
Polis əməkdaşları tərəfindən hadisə yerindən “TOZ-16” markalı ov tüfəngi, 11 patron və 1 patrondaş götürülüb.
