Zaqatalada avtomobillə iki şagirdi vuraraq öldürən sürücü saxlanılıb.
Bu barədə 8 fevral tarixində Daxili İşlər Nazirliyi İnsanoid-ə məlumat verib.
"Sürücülük hüququ olmadan avtomobil idarə edən şəxs törətdiyi ağır cinayət əməlinə görə polis əməkdaşları tərəfindən tutulub. Cinayət işi üzrə istintaq hərəkətləri davam etdirilir", - qeyd olunub.
***
15:18
Zaqatalada üç məktəblini avtomobil vurub. Bu barədə 8 fevral tarixində APA məlumat verib.
Hadisə Zaqatala-Göyəm avtomobil yolunda baş verib.
İlkin məlumata görə, hərəkətdə olan “Mercedes” markalı minik avtomobili Göyəm kənd sakinləri olan üç məktəblini vurub. Onlardan ikisi aldığı ağır xəsarətlərdən hadisə yerində ölüb.
Xəsarət alan uşaq Zaqatala Rayon Mərkəzi Xəstəxanasına aparılıb.
Faktla bağlı Zaqatala Rayon Polis Şöbəsində araşdırma başlayıb.
