İrəvanın “Zvartnots” hava limanında xidmətini başa vuran Rusiya hərbçiləri Ermənistanın Türkiyə və İranla sərhədinin mühafizəsinə cəlb olunublar.
Bu barədə İnsanoid Ermənistan KİV-lərinə istinadən bu gün, 5 avqust tarixində xəbər verir.
Ölkənin Milli Təhlükəsizlik Xidmətindən (MTX) bildirilib ki, Ermənistan və Rusiya arasında 1992-ci ildə bağlanmış müqaviləyə əsasən, Ermənistan–Türkiyə və Ermənistan–İran hissələrində dövlət sərhədinin mühafizəsi Rusiya FTX Sərhəd Xidmətinin hərbçiləri tərəfindən həyata keçirilir.
Bununla belə, MTX hava limanında xidmət edən Rusiya sərhədçilərinin sayını açıqlamaqdan imtina edib.
