2021-ci ildə Azərbaycan Dəmir Yolları QSC-nin törəmə müəssisəsi - ADY Express MMC 5 716 845 ton yük nəql edib. Bu barədə 11 yanvar tarixində şirkətin saytında məlumat verilib.
Onların 7,5%-i daxili, 27,3% idxal, 39,5% ixrac, 25,7% isə tranzit yüklərin payına düşür.
İxrac yüklərinin təyinat ölkələri, əsasən, İtaliya, Rusiya, Gürcüstan və Braziliya olub. Daha çox azot gübrələri, dizel, digər neft məhsulları və meyvə-tərəvəz nəql edilib.
Sözügedən şirkət tranzit yükdaşımalarda isə daha çox Rusiya-Türkiyə, Rusiya-Gürcüstan, Rusiya-İran və Orta Asiya ölkələri ilə Gürcüstan və Türkiyə arasında yükdaşımalar həyata keçirib
