Oktyabrın 8-də “Bakı Metropoliteni” QSC metro stansiyalarının yeni xəritəsini paylaşıb. Xəritədə gələcəkdə tikiləcək 51 yeni stansiya əks etdirilib.
2011-ci ildə təsdiqlənmiş “Bakı Metropoliteni xətlərinin konseptual inkişaf sxemi”nə uyğun olaraq, 2030-cu ilədək stansiyaların sayı 77-dək artırılacaq.
Hazırda metroda 26 stansiya var. Yəni hələ 51 stansiya da tikilib istifadəyə veriləcək. Ümumilikdə, Bakı metrosu 5 ayrı xəttdən ibarət olacaq. Bunlar “Yaşıl”, “Qırmızı”, “Sarı”, “Bənövşəyi” və “Mavi” xətlərdir. Bütün stansiyaların tikintisinin 2030-cu ilədək başa çatdırılması nəzərdə tutulub.
Ümumi “Yaşıl” xətt üzrə 23, “Qırmızı” xətt üzrə 19, “Bənövşəyi” xətt üzrə 12, “Mavi” və “Sarı” xəttlər üzrə isə 11 stansiya olacaq.
[gallery columns="1" size="full" ids="9306"]
