Əvvəllər də oğurluğa görə bir neçə dəfə həbs olunan və ümumilikdə 22 il məhkumluq həyatı yaşayan Bakı şəhər sakini saxlanılıb. Bu barədə yanvarın 8-də DİN məlumat verib.
O, İsmayıllıda mobil telefonlar mağazasından ümumi dəyəri 4 160 manat olan 10 ədəd mobil telefon və 300 manata yaxın pul oğurlayıb.
Daha sonra məlum olub ki, saxlanılan şəxs İsmayıllıda daha 2 mağazadan telefon danışıq kartları, pul, ərzaq məhsulları, habelə Qazax və Bakı şəhərlərində bir neçə obyektdən mobil telefonlar oğurlayıb. O, qanunsuz yolla əldə etdiyi mobil telefonları müxtəlif şəhər və rayonlarda dəyərindən ucuz qiymətə satıb.
Saxlanılan şəxs ifadəsində törətdiyi əməlləri etiraf edib.
Faktla bağlı cinayət işi başlanılıb.
