Ağcabədi rayonunda fərdi yaşayış evində yanğın baş verib. Nəticədə bir ailənin üç üzvü həlak olub. Bu barədə dekabrın 2-də Trend məlumat yayıb.
Hadisə rayonun Hindarx qəsəbəsində qeydə alınıb. Əraziyə FHN-nin əməkdaşları cəlb olunub. Verilən məlumata görə, yanğın artıq söndürülüb.
Həyatlarını itirənlər arasında 10 aylıq Pünhan Kərimov, atası post patrul xidmətinin komandiri Miri Kərimov və Halə Kərimova olub.
2021-ci ilin 9 ayı ərzində Azərbaycanda 1 805 yanğın hadisəsi baş verib. Nəticədə 24 nəfər həlak olub, 104 nəfər isə yaralanıb. Ölənlərin sayı ötən ilin eyni dövrü ilə müqayisədə 25% azalıb.
