"Nvidia"nın Direktorlar Şurası şirkətin təsisçisi və baş direktoru Jensen Huanqı vəzifəsindən uzaqlaşdırmağa hazırlaşır. "The Wall Street Journal"ın məlumatına görə, onun gələcək taleyini müzakirə etmək üçün iclas bu gün baş tuta bilər.
"Bloomberg" yazır ki, şirkət artıq daimi varis axtarışı üçün kənar agentlik cəlb edib və keçid dövründə müvəqqəti lider təyin etməyi nəzərdən keçirir. "CBS News" isə Donald Tramp administrasiyasının bu planlardan xəbərdar olduğunu bildirir.
Qərarın arxasında "The New York Times"ın yaydığı iddialar dayanır. Nəşr qeyd edir ki, Huanq Çin kəşfiyyatı ilə əlaqədə şübhəli bilinən "Megaspeed" rəhbəri Elis Huanqla münasibətlərinə görə istintaq altındadır və eyni zamanda "Nvidia"nın vitse-prezidenti Kimberli Pauell ilə nikahdankənar münasibətdə olub.
Qeyd edək ki, bazar kapitallaşması 4,93 trilyon dollar olan "Nvidia" dünyada yalnız "Apple"dan (5,03 trilyon dollar) geri qalaraq ikinci yerdə qərarlaşıb.
