2021-ci ilin yanvar-iyul aylarında Ağdam rayonunda 2784,5 ton ət, 23 min 539,1 ton süd istehsal edilib. Ötən ilin eyni dövrü ilə müqayisədə bu göstəricilər müvafiq olaraq 2,1% və 4,7% çoxalıb. Bu barədə 16 avqust tarixində AZƏRTAC məlumat verib.
Rayonda heyvandarlıq məhsullarının istehsalının artmasına heyvanların cins tərkibinin yaxşılaşdırılması və onların süni mayalanmasının uğurla həyata keçirilməsi səbəb olub. Cari ilin yeddi ayı ərzində 1746 baş cins tərkibi yaxşılaşdırılmış buzov alınıb və 2620 baş inək və düyə süni yolla mayalandırılıb.
Azərbaycanda 2021-ci ilin ilk altı ayı üzrə ümumi 268 min tondan çox ət və 1 milyon tondan çox süd istehsal olunub.
