Bugün, noyabrın 20-də Ağdamın işğaldan azad olunmasının bir illiyi münasibətilə rayonda meşə massivi salınıb. Bu barədə Prezidentin nümayəndəsi Emin Hüseynov məlumat verib.
Məlumata əsasən, Ağdamın məhv edilmiş yaşıllıq massivlərinin bərpası üçün 4 meşə zolağı nəzərdə tutulub. Onlardan birində bugün şəhid ailələri və könüllülərin iştirakı ilə 2000 ədəd ağac əkilib.
Ağacəkmə aksiyası Prezident Administrasiyası, Ekologiya və Təbii Sərvətlər Nazirliyi və Ağdam Rayon İcra Hakimiyyəti tərəfindən təşkil edilib.
