Ağdam rayonunun işğaldan azad olunmuş ərazisində qolları məftillə bağlı kişi və qadın skeleti tapılıb. Bu barədə APA TV oktyabrın 28-də məlumat yayıb.
Hadisə rayonun Uzundərə ərazisində baş verib. Meyitlər Bərdə-Ağdam yolunun tikintisi zamanı aşkarlanıb. Skelet sahiblərinin paltarlı basdırıldığı müəyyən olunub.
Şahidlərin sözlərinə əsasən, sümüklərin ətrafındakı paltar qalıqları qadın və kişiyə məxsus olub.
Ağdam 23 iyul 1993-ci ildə Ermənistan tərəfindən işğal olunmuşdur. İddia olunur ki, qalıqlar girov düşmüş vətəndaşlara aid ola bilər.
