Ötən gün, noyabrın 15-də Ağdam sakini minaya düşərək həlak olub. Bu haqda məlumat Baş Prokurorluğun rəsmi saytında dərc edilib.
Hadisə saat 17:00 radələrində rayonun işğaldan azad edilmiş Tağıbəyli kəndi ərazisində baş verib. Zaur Ağayev kənd-təsərrüfat fəaliyyəti ilə məşğul olarkən piyada əleyhinə minaya düşüb və nəticədə ölüb.
Faktla bağlı cinayət işi açılıb.
10 noyabr 2020-ci il tarixli üçtərəfli bəyanatın imzalanmasından bu günədək 167 vətəndaş mina partlayışından zərər çəkib, 33 nəfər isə dünyasını dəyişib. Ölənlərdən 2 nəfər jurnalist olub.
