Bugün, dekabrın 16-da saat 13:00 radələrində Ağdam rayonunda yol-tikinti işləri ilə məşğul olan Oğuz rayon sakini idarə etdiyi traktorla minaya düşüb. Bu barədə Daxili İşlər Nazirliyindən məlumat verilib.
Hadisə nəticəsində xəsarət alan olmayıb. Partlayış rayonun Baş Qərvənd kəndindəki Xaçınçay çayının ətrafında baş verib.
Faktla bağlı araşdırma aparılır.
Daha öncə, dekabrın 9-da Şuşanın Daşaltı kəndində quruculuq işləri ilə məşğul olan iki nəfər minaya düşərək ölüb. 2020-ci il noyabrın 10-dan indiyədək işğaldan azad edilən ərazilərdə minaya düşmələri nəticəsində 7 hərbi qulluqçu, 29 mülki şəxs həlak olub.
