"Azərbaycanın dekabrın 19-da Avropa İttifaqının dəstəyi ilə 10 erməni hərbçisini azad etməsini alqışlayırıq". Bunu dekabrın 20-də ABŞ Dövlət Departamentinin rəsmisi Ned Prays öz "Twitter" səhifəsində bildirib.
Daha öncə, 2021-ci ilin 19 dekabr tarixində Azərbaycan humanizm prinsiplərinə əsaslanaraq 10 erməni hərbçilərini Avropa İttifaqının vasitəçiliyi ilə Ermənistana təhvil verib. Bu, dekabrın 14-də Avropa İttifaqı Şurasının Prezidenti Şarl Mişelin təşəbbüsü ilə Brüsseldə keçirilmiş görüşlərin nəticəsidir. Həmin gün Prezident İlham Əliyevin Avropa İttifaqı Şurasının Prezidenti ilə ikitərəfli görüşü, eləcə də Ermənistan Baş naziri ilə üçtərəfli görüşü baş tutub.
Təhvil verilmiş şəxslər cari ilin 16 noyabr tarixində Kəlbəcər istiqamətində təxribat törədərkən saxlanılıblar.
We welcome Azerbaijan's release of 10 Armenian detainees on December 19 with EU support. https://t.co/lWjJgODz6b
— Ned Price (@StateDeptSpox) December 19, 2021
