Abşeronda 2006-cı il təvəllüdlü qız özünü yaşadığı binadan atıb. Bu haqda noyabrın 4-də Report məlumat yayıb.
Hadisə dünən Xırdalan şəhərində baş verib. Yaralı 1 saylı Şəhər Klinik Xəstəxanasına yerləşdirilib. Ona qabırğalararası və ətrafların çoxsaylı sınığı diaqnozu qoyulub. Daha sonra yeniyetmə tibb müəssisəsində dünyasını dəyişib.
Faktla bağlı araşdırma aparılır.
Analoji hadisə oktyabrın 15-də qeydə alınmışdır. Bakının Qaradağ rayonunda 16 yaşlı qız özünü yaşadığı binanın 9-cu mərtəbəsindən atmışdır. İlkin məlumata görə, intihar ailə münaqişəsi zəminində baş vermişdir.
2021-ci ilin birinci yarısında baş vermiş intiharlar nəticəsində 322 nəfər həyatını itirib. Bu hadisələrin 115-i paytaxtda olub.
