Abşeron rayonunun Hökməli qəsəbəsində narkotik satan şəxslər saxlanılıblar. Bu barədə martın 18-də Daxili İşlər Nazirliyindən məlumat verilib.
İlk əməliyyat nəticəsində üzərində marixuana olan bir nəfər saxlanılıb. Həmin şəxs narkotikləri Mehman adlı şəxsdən aldığını bildirib. Əməliyyatların davamı olaraq Mehman Səfərov da tutulub. Onun evindən külli miqdarda marixuana aşkarlanıb.
Növbəti əməliyyat zamanı narkotiklərin satışı ilə məşğul olan Şahin Mədətov saxlanılıb. O, narkotik maddələrin satışını qəsəbədə yerləşən qəbiristanlıqda həyata keçirib.
Saxlanılan şəxslərin ətrafında istintaq tədbirləri davam etdirilir. Narkotiklərin satışını təşkil edən iki nəfər barəsində həbs qətimkan tədbiri seçilib.
